Brúum bilið / Samstarf leik- og grunnskóla.

Í leikskólanum Velli ásamt öðrum leikskólum Reykjanesbæjar er unnið með elstu börnunum eftir samstarfsverkefni sem heitir: Brúum bilið / Samstarf leik- og grunnskóla.

Markmið þess verkefnis er:
• Að koma á samstarfi milli leik- og grunnskóla.
• Að skapa samfellu í námi nemanda á þessum tveimur skólastigum.
• Að byggja upp gagnkvæman skilning og þekkingu á starfi kennara beggja skólastiga.
• Að stuðla að vellíðan og öryggi barnanna er þau fara úr leikskóla í grunnskóla.
• Að leggja drög að farsælu lestrarnámi barna.

Á hverju hausti er gerður samstarfssamningur um hvernig samskiptum skal háttað yfir veturinn. Leikskólinn Völlur gerir samstarfssamning ásamt Heilsuleikskólanum Skógarási við Háaleitisskóla hér uppá Ásbrú.