Kærleikur er orð vikunnar

Heil og sæl kæru vinir. Nú hefjum við fjórðu vikuna í Vináttulotunni og er það merki þess að tíminn er fljótur að líða. Lotulykill þessarar viku er orðið "Kærleikur". Þegar við veltum meiningu þessa orðs fyrir okkur að þá eru ýmsar skilgreiningar til. Kærleikur er oft skilgreindur sem hvert góðverk sem við vinnum, brosið sem við sendum öðrum, faðmlög sem við gefum, huggum þá sem líða illa og gjafmildi til þeirra sem þarfnast. Sumir segja að mikilvægasta skilgreining á kærleika er umhyggja okkar fyrir öðrum. Hvað er betra en að styrkja þessa þætti til að efla vináttuna. Vinakærleikann. Dásemd!

Í orðaforðakennslunni verður lögð áhersla á orð tengt samfélaginu, t.d. eins og vinir, leikskóli, búð, bakarí og flugvöllur. Hljóð vikunnar er ,,Þ’’ og í Tákn með tali eru tákn vikunnar "leikskóli" og "búð". Þula vikunnar er ,,Baggalútur’’ og söngvar vikunnar eru ,, Vinir gegnum þunnt og þykkt’’ og ,,Gull og perlur’’. Ásamt þessu höldum við ótrauð í öðrum þáttum að efla hljóðkerfisvitundina í leik og söng.

Hér fyrir neðan er linkur á lag með hljóði vikunnar (Þ)

Vonum að þið eigið dásamlega viku