Búið er að byggja upp útikennslusvæði fyrir leikskólann Völl. Það er glæsilegt leiksvæði sem nýtist nemendum og starfsfólki í leik og starfi og hefur nú þegar notið mikillar vinsældar. Svæðið er sérstaklega hannað með það í huga að þar geti farið fram útikennsla fyrir leikskólabörn. Á svæðinu hefur verið smíðaður glæsilegur sandkassi, lestin færð og löguð, völundarhús fært út, búin lítil brekka og hólar á lóðinni og sett niður bekkir og áhorfendastúka, tré gróðursett sem mynda skjól. Nýbúið er að klára útisvæðið sem við köllum í dag kofasvæði. Á því svæði eru engin leiktæki og er það náttúran sem ræður þar ríkjum. Þar eru einnig ræktunarkassar og spennandi verkefni að setja eitthvað þar niður og rækta.