Sæl veriði kæru foreldrar og gleðilega Gleðiviku. Nú er uppskeruviku Jákvæðnilotu og þá tökum við saman það sem búið er að fara yfir og vinnum með það. Í þessari viku verður spennandi að sjá hvað kennarnir og nemendur taka sér fyrir hendur og skapa. Eitt er víst að undanfarnar viku í þessari lotu hafa verið afar gleðilegar og jákvæðar. Gleðisöngvar, leikrit, þrautabrautir, listaverk sköpuð og fleira og fleira. Allt unnið í gegnum leikinn.
Í Mætti Málsins fjöllum við í þessari viku enn meira um "Mat" en það er þema okkar í orðaforðanum. Hljóð vikunnar er hljóðið "HJ" eins og í (hjóla-hjalli-Hjalta ...o.sfrv.). Tákn vikunnar í Tákn með tali eru táknin "Búið" og "Takk". Áfram unnið í stærðfræðinni hjá þeim elstu og að efla þætti hljóðkerfisvitundar.
Við bendum á að á morgun 6.febrúar er Dagur leikskólans. Sá dagur er haldinn hátíðlegur í leikskólum landsins og er þetta í ellefta skipti sem haldið er upp á daginn. Dagur þessi, 6. febrúar, er merkilegur dagur í leikskólasögu þjóðarinnar því á þessum degi árið 1950 stofnuðu frumkvöðlar leikskólakennara fyrstu samtök sín. Tilgangur Dags leikskólans er að vekja athygli á hlutverki leikskóla og starfi leikskólakennara.
Eigið góða viku kæru vinir