Orð dagsins – allt árið um kring
Eitt orð/hugtak er tekið fyrir daglega, fjóra daga í viku, á föstudögum er upprifjun á orðum vikunnar. Orðin ásamt myndum eru hengd upp í fataklefa og send heim í vikupósti. Foreldrar kynna sér orð dagsins með barninu þegar barnið mætir í leikskólann eða í lok dags. Til gamans má geta að foreldrar hafa nefnt að þetta sé einnig íslenskukennsla fyrir þá.
Það er hlutverk kennarans að sýna myndina og kynna orðið fyrir börnunum í fjölbreyttu samhengi og endurtaka orðið í daglegu starfi. Það er einnig á ábyrgð kennarans að hvetja foreldra og börn til þess að skoða Orð dagsins.
Orð dagsins og Læsis og stærðfræði áætlun Vallar fylgjast að.
Verkefnið unnu Heiðrún Scheving Ingvarsdóttir verkefnastjóri fjölmenningar á Velli og Magdalena Maria Gwozdziewska talmeinafræðingur á Velli, við vinnuna var m.a. stuðst við Orðaforðalisti Menntamálastofnunar.
