Sæl veriði á þessum fallega mánudegi.
Í dag hefst frumkvöðlavika á Velli en það er uppskeruvika Áræðnilotu. Þá rifjum við upp og búum til skemmtileg verkefni tengt kjark, kraft, virkni og frumkvæði. Tekið skal fram að Áræðnilotan er síðasta lotan í kynjanámskrá Hjallastefnunnar og er ætlað að reka smiðshöggið á heildarstarf vetrarins hvað varðar persónuþroska, bæði í einstaklings- og félagslegu tilliti og skilning barnanna á fjölþættum eiginleikum og mannlegri hæfni.
Í hljóðainnlögninni leggjum við inn hljóðið ,,hj’’. Í viðbót við þetta verða hefðbundnar æfingar, verkefni, gleði og söngur og allt í gegnum leikinn.
Eigið góða viku kæru vinir